सीके राउत पक्राउ, राज्य विप्लवको मुद्दा लगाउने तयारी
काठमाडौं, माघ २१ ।स्वतन्त्र मधेस अभियान चलाइरहेका सीके राउतलाई बिहीबार दिउँसो जनकपुरबाट प्रहरीले पक्राउ गरेको छ । जनकपुर उप–महानगरपालिका–४ स्थित माछाबजारनजिकै रहेको कोठामा छापा मारी प्रहरीले उनलाई पक्राउगरेको हो ।
प्रहरी निरीक्षक रामकिशोर साहको नेतृत्वको टोलीले श्रीमती र दुई बच्चासँग बसिरहेको बेला राउतलाई पक्राउ गरेको हो र पक्राउ गरेर लगिरहेको बेला राउतले प्रहरीले आफूलाई छापामार शैलीमा पक्राउ गरेको सञ्चारकर्मीलाई बताएका थिए ।सप्तरी स्थायी घर भएका राउत एक महिनादेखि जनकपुरमा डेरा लिएर बस्दै आएका थिए ।
गत ५ माघमा सिराहाको लाहानमा आयोजित सभामा देश टुक्र्याउने अभिव्यक्ति दिएपछि प्रहरीले उनको खोजी गरिरहेको थियो । उनको नाममा जिल्ला प्रहरी कार्यालय सिराहाले पक्राउ पुर्जीसमेत जारी गरेको थियो । उनलाई सिराहा नै पठाइने जिल्ला प्रहरी कार्यालय धनुषाका प्रहरी उपरीक्षक लालमणि आचार्यले जनाएका छन् । समाचार आजको राजधानीमा छापिएको छ ।
राउतविरुद्ध राज्य विप्लवको मुद्दा लगाउने तयारी भइरहेको प्रहरी स्रोतले जनाएको छ । राउतविरुद्ध यसअघि पनि विशेष अदालतमा राज्य विप्लवको मुद्दा चलेको थियो । तर, उनी धरौटीमा छुटेका थिए । राज्यविरुद्धको अपराध र सजाय ऐन २०४६ मा उल्लिखित राज्य विप्लवको अपराध वा उद्योग गरेको ठहरिए राउतलाई जन्मकैद वा १० वर्षसम्म कैद सजाय हुन्छ । उनले राज्यद्रोह वा त्यसका लागि प्रोत्साहन गरेको प्रमाणित भए कम्तीमा दुई वर्षसम्म कैद सजाय हुन्छ । राज्यविरुद्धको अपराध ऐनअनुसार कसैले नेपालको सार्वभौमसत्ता, अखण्डता वा राष्ट्रिय एकतामा खलल पार्ने नियतले कुनै अव्यवस्था उत्पन्न गरेमा वा सो गर्ने उद्योग गरेमा उसलाई जन्म कैद हुने व्यवस्था छ ।
यता डा. राउत पक्राउ परेपछि उनका समर्थकले जनकपुरको माछा बजारमा जुलुस प्रदर्शन गरेका छन् । जुलुसको क्रममा समर्थकले राउतलाई पक्राउ गरी मधेसीलाई दबाउन खोजेको बताएका थिए ।
उनका समर्थकले बिहीबार पनि जनकपुरमा प्रदर्शन गर्ने बताएका छन् । यता राउतकी श्रीमती सोनी सिन्धु रानीले आफ्नो श्रीमान्लाई विनासर्त रिहा गर्न माग गरेकी छन् ।
प्रहरीले राउतको कोठाबाट भिडियो क्यामरा, भिडियो इडिटर क्यामरा, स्टाम्प, पेनड्राइभ, स्वराज लेखिएको किताब, १० लाख मधेसीलाई जागिर दिने फाराम, स्वतन्त्र मधेसको फारामलगायत सामग्री बरामद गरेको छ ।
काठमाडौं, माघ २१ ।स्वतन्त्र मधेस अभियान चलाइरहेका सीके राउतलाई बिहीबार दिउँसो जनकपुरबाट प्रहरीले पक्राउ गरेको छ । जनकपुर उप–महानगरपालिका–४ स्थित माछाबजारनजिकै रहेको कोठामा छापा मारी प्रहरीले उनलाई पक्राउगरेको हो ।
प्रहरी निरीक्षक रामकिशोर साहको नेतृत्वको टोलीले श्रीमती र दुई बच्चासँग बसिरहेको बेला राउतलाई पक्राउ गरेको हो र पक्राउ गरेर लगिरहेको बेला राउतले प्रहरीले आफूलाई छापामार शैलीमा पक्राउ गरेको सञ्चारकर्मीलाई बताएका थिए ।सप्तरी स्थायी घर भएका राउत एक महिनादेखि जनकपुरमा डेरा लिएर बस्दै आएका थिए ।
गत ५ माघमा सिराहाको लाहानमा आयोजित सभामा देश टुक्र्याउने अभिव्यक्ति दिएपछि प्रहरीले उनको खोजी गरिरहेको थियो । उनको नाममा जिल्ला प्रहरी कार्यालय सिराहाले पक्राउ पुर्जीसमेत जारी गरेको थियो । उनलाई सिराहा नै पठाइने जिल्ला प्रहरी कार्यालय धनुषाका प्रहरी उपरीक्षक लालमणि आचार्यले जनाएका छन् । समाचार आजको राजधानीमा छापिएको छ ।
राउतविरुद्ध राज्य विप्लवको मुद्दा लगाउने तयारी भइरहेको प्रहरी स्रोतले जनाएको छ । राउतविरुद्ध यसअघि पनि विशेष अदालतमा राज्य विप्लवको मुद्दा चलेको थियो । तर, उनी धरौटीमा छुटेका थिए । राज्यविरुद्धको अपराध र सजाय ऐन २०४६ मा उल्लिखित राज्य विप्लवको अपराध वा उद्योग गरेको ठहरिए राउतलाई जन्मकैद वा १० वर्षसम्म कैद सजाय हुन्छ । उनले राज्यद्रोह वा त्यसका लागि प्रोत्साहन गरेको प्रमाणित भए कम्तीमा दुई वर्षसम्म कैद सजाय हुन्छ । राज्यविरुद्धको अपराध ऐनअनुसार कसैले नेपालको सार्वभौमसत्ता, अखण्डता वा राष्ट्रिय एकतामा खलल पार्ने नियतले कुनै अव्यवस्था उत्पन्न गरेमा वा सो गर्ने उद्योग गरेमा उसलाई जन्म कैद हुने व्यवस्था छ ।
यता डा. राउत पक्राउ परेपछि उनका समर्थकले जनकपुरको माछा बजारमा जुलुस प्रदर्शन गरेका छन् । जुलुसको क्रममा समर्थकले राउतलाई पक्राउ गरी मधेसीलाई दबाउन खोजेको बताएका थिए ।
उनका समर्थकले बिहीबार पनि जनकपुरमा प्रदर्शन गर्ने बताएका छन् । यता राउतकी श्रीमती सोनी सिन्धु रानीले आफ्नो श्रीमान्लाई विनासर्त रिहा गर्न माग गरेकी छन् ।
प्रहरीले राउतको कोठाबाट भिडियो क्यामरा, भिडियो इडिटर क्यामरा, स्टाम्प, पेनड्राइभ, स्वराज लेखिएको किताब, १० लाख मधेसीलाई जागिर दिने फाराम, स्वतन्त्र मधेसको फारामलगायत सामग्री बरामद गरेको छ ।
Post a Comment