द्वन्दले देशलाई बर्बादी तर्फ मात्र धकेल्छ

द्वन्दले देशलाई बर्बादी तर्फ मात्र धकेल्छ ।

नेपालको राजनीतिक दिशाका बारेमा कहिले के हुन्छ ? कहिले के यो बिषयका बारेमा नेपाली जनताले अनुमान मात्र लगाउन सक्दछ । सरकारले स्थानीय तहको चुनावको घोषणासँगै संशोधन बिधयेक संसदमा पेश गरेर मधेशी लगायत जनजातीको माग सम्बोधन गर्ने र स्थानीय निकायको निर्वाचनमा भाग लिन लगाउने वातावरण बनाउन सत्तारुढ दल लागि परेको देखायो ।

तर फेरि सरकारले पहिले चुनाव पछि मात्र संशोधन हुने बताएर देशमा द्वन्दको बातावरण बनाउन सरकार आफैलागेको देखिन्छ । एकातिर सरकार सेना लगायत सुरक्षा निकाय परिचालन गरेर पनि निर्वाचन सफल बनाउने रणनीतिमा रहेको छ भने अर्को तर्फ बिपक्षी दल दल दर्ता पनि नगर्ने र निर्वाचनमा भाग नलिने मनस्थितिमा रहेको छ ।

त्यस्तै सरकारले घोषणा गरेको स्थानीय तहको निर्वाचनमा अर्को आशंका पनि थपिएको छ, त्यो हो स्थानीय तहको पुनसंरचना । सरकारले स्थानीय तहमा पहिले कायम गरेका स्थानीय तहको संख्या घटाएको छ भने । सरकारले स्थानीय तहमा पहिले कायम भएका स्थानीय तहको पहिचान सहितको नामाबलीमा समेत हेरफेर गरेर पहिचान मेटाउने कार्य भएको भन्दै बिरोध हुन थालेको छ भने अर्को तर्फ स्थानीय तह घटाउने कार्य र समायोजनको कार्यको समेत स्थानीय तहका राजनीतिक दलले बिरोध गरिरहेको अवस्थामा चुनाव कसरी हुन्छ त ? आम जनसमुदायको प्रश्न रहेको छ ।

हाल सम्म सरकारले यस विषयमा कुनै ठोस निर्णय दिन सकेको छैन । मात्र आगामी बैशाख ३१ गने स्थानीय तहको निर्वाचन सम्पन्न गर्ने कार्यमा सरकार लागेको र सुरक्षा निकाय लगायत निर्वाचन आयोग समेत लागेको बताएको अवस्थामा के निर्वाचन हुन्छ त ?

सरकार स्थानीय निकायको निर्वाचन केन्द्र सरकारले गर्ने बताइरहेको अवस्थामा विपक्षी दल स्थानीय निकायको चुनाव संघीय राज्यले गराउने कार्य भएकोले यो सरकारको केन्द्रिकृत सोच भएको र सत्तारुढ दल नेपालमा संघीय राज्य नभई बिगत कै राज्यसत्ताको स्वरुप केन्द्रिकृत राज्य व्यवस्था कायम गरेर जान चाहेको संकेतको रुपमा लिएको छ । यसले नेपालमा फेरि पनि जारी संबिधानको मर्म माथि कुठाराघात हुने बिपक्षीको आरोप रहेको छ ।

माथिका यी यावत समस्याहरु रहेको अवस्थामा पनि सरकार चुनाव हुने बताइ रहेको छ भने । संसदमा बिचाराधीन रहेको संशोधनको प्रस्ताव निर्वाचन पछि टुङ्गो लगाउने सत्तारुढ दलको प्रस्ताब कै कारण पनि बिपक्षी आसन्न निर्वाचन हुन नसक्ने दावी गर्दछ । साथै निर्वाचन गर्न सरकार लागेको अवस्थामा समेत चुनावमा भाग नलिन अडानमा रहेको छ । यसले देशमा द्वन्द निम्तने कुरालाई देवैले नकार्न सक्दैन । किनकी सरकार सुरक्षा संयन्त्रको प्रयोग गरेर जसरी पनि निर्वाचन गराउने मनस्थितिमा रहेको र विपक्षी मोर्चा कुनै पनि हालतमा चुनावमा भाग नलिने र चुनाव हुन नदिने पक्षमा रहेको अवस्थामा यसले द्वन्द्यको स्थिति मात्र निम्ताउने छ । यने नेपाली जनता र देशको लागि समेत घातक हुने छ ।

निर्वाचन हुनु आफैमा राम्रो कार्य हो, अझ नेपालमा स्थानीय तह रिक्त रहेको लामो समय भइसकेको छ । तसर्थ सबै पक्षलाई मिलाएर र सबैको सहमतीमा मात्र चुनाव हुनु देशको हितमा हुन्छ । यसले देशमा शान्तिपूर्वक रुपमा निर्वाचन सम्पन्न हुन सक्दछ । यसले देशको राजनीतिक, सामाजिक एवं आर्थिक समृद्धिमा समेत सकारात्मक प्रभाव पार्दछ ।

तसर्थ बिद्यमान स्थानीय तहको निर्धारण लगायत सबैको भावना समेट्ने गरि संबिधानको संशोधन पश्चात मात्र निर्वाचन हुनु देशको हितमा हुन्छ । द्वन्दले देशलाई बर्बादी तर्फ मात्र धकेल्ने गर्दछ । तसर्थ सत्तारुढ दल र विपक्षीले समेत समयमै सचेत भएर आवश्यक कदम चाल्ने आवश्यक छ ।